Lezioni di Fabrizio vari argomenti link
თბილისი, 13 აპრილი, 2021
ფაბრიციო ვიელმინიმ 13 აპრილს ჩაატარა იტალიური ენისა და კულტურის გაკვეთილი, რომელსაც 8 ახალგაზრდა მოსწავლე ესწრებოდა (რათა მაქსიმალურად დაგვეცვა დისტანცია საკლასო ოთახში ). გაკვეთილი გაგრძელდა 1 საათი, რა დროსაც ფაბრიციომ ახსნა იტალიურ ენაში არსებული განსაზღვრული არტიკლები სქესთან და რიცხვთან მიმართებაში. ლექტორის ახსნის შემდეგ მოსწავლეებმა გააკეთეს სავარჯიშოები - განსაზღვრული არტიკლების მისადაგება სწორი სიტყვებისთვის. ფაბრიციომ მოსწავლეებს ასევე აუხსნა აწმყო დრო (presente indicativo) და მაგალითისთვის მოსწავლეებთან ერთად აუღლა ზმნა Andare - წასვლა.
გაკვეთილი გამოირჩეოდა მოსწავლეების ჩართულობით და ლექტორის მიერ სხვადასხვა მაგალითების გახილვით, მათ შორის გამონაკლისი ე.წ არაწესიერი სიტყვების განხილვით.
ფაბრიციო ვიელმინი: კავკასიისა და ცენტრალური აზიის გეოპოლიტიკის ექსპერტი, რომელიც 2008 წლიდან ცხოვრობს საქართველოში. ის აქტიურად უწყობს ხელს ევროპისა და ყოფილი საბჭოთა კავშირის ქვეყნებს შორის დიპლომატიური და კომერციული ურთიერთობების ჩამოყალიბებასა და განვითარებას. ის ასევე არის უზბეკეთის ეროვნული ტურიზმის კომიტეტის კონსულტანტი და ტაშკენტის ვებსტერის საერთაშორისო უნივერსიტეტის მოწვეული პროფესორი.